4 طـــرق عشــان تعملــي شعـــرك كيرلــــي مع دينـــــــا

الطريقة الاولى

الشعر الكيرلي أو المجعد بيتعمل بطرقتين .. طريقة بنستخدم فيها الآلات وطريقة يدوية .. خلونا نبدأ بالطريقة اللي هنستخدم فيها آلات ودي لو عملتيها صح هتحصلي على شعر كيرلي زي الكتاب زي ما بيقولوااول حاجه نجهز الشعر للكيرلي بتجهيز عدة الشغل الأول ..1- استشوار قوته مناسبه لنوعية الشعر.. كل ما الشعر كان جاف ومجعد كل ماكان يفضل استشوار أقوى ..

2- مشط الرول Roller hair brush ويفضل من نوعية الي شعرها غليظ كثيف..

3- موس او الرغوه volumizing mousse

4-كريم التثبيت والاستايل أو styling cream

5- مشط العادي

ندخل بقى لكيفية تجهيز الشعر بخطوات سهله وبسيطه..

1- تغسلي الشعركويس بالشامبو المناسب وحبذا تكوني عاملة حمام زيت هيطلع روعه !!2- تجففيه شويه ...
3- خليه نص مبلول ونص ناشف .. مش مبلول قوي يعني ومن ثم وزعي الكريم او الرغوه على كامل الشعر..
4- اعلمي شعرك استشوار باستخدام المشط الرول والاستشوار..

و بكده بقى جاهز للكيرليدلوقتي هاشرحلكم الطريقة عشان نعمل الكيرلي هنحتاج الآتي :

1- جهاز Hot Rollers
وده جهاز مش ضروري قوي يعني بس هو بتسخني فيه الرولز قبل ما تحطيها على شعرك

وطريقة الاستخدام كالآتي

1- بعد ما جهزتي الشعر بعد الاستشوار.. قومي بتجزئته وسرحيه بمشط عادي

2- هاتي الرولز بعد ما سخنتيه وجهز وحطيه على الشعر بالخطوات دي ..

3- بعد ما توزعيه على الشعر كله سيبيه لمدة تتراوح من 40 دقيقه لساعه..

4- واحده واحده اتخلصي من الرولز وبعد كده رشي اسبري علشان التثبيت..

..

الطريقة الثانية

ودلوقتي هاشرحلكم الطريقة التانية لعمل الكيرلي ..
الطريقة دي باستخدام الـ curling tong جهاز "كيرل تونغ" وهو جهاز مش غالي خالص تقدري تجيبيه من التوكيلات لو حبيتي زي Broun مثلا أو تقدري تجيبي حاجه مش أصلي من محطة الرمل بسعر مناسب جدا..
جهزي الجهاز وسخنيه شويه كده

1- بعد ما يجهز الشعر سرحيه وجزئيه كذا جزء ..

2- تجيبي الجهاز وتستخدميه بالشكل ده ..

الطريقة الثالثه

الطريقه التالته الا وهي الرول العادي..

1- بعد ما يتجهز الشعر سرحيه عشان يبقى جاهز..

2- هاتي الرولز واستخدميه ولفى علية الشعر:
3- توزعي اسبراي وبعدين تلبسي طاقية بلاستيك عشان مايبوظش ..
ونعيماااااااا..

الطريقة الرابعة

دي بقى طريقة عملية جدا وسهلة جدا لعمل الكيرلي من غير أي أجهزة أو معدات !!بصي يا ستي ...

الطريقة دي يدوية وفي بنات كتير بيعملوها في البيت وهي سهلة وبسيطة وشكلها النهائي اما يكون مرتب أو عشوائي وهو عموما مقبول وتقدري تعمليه بالخطوات التالية :
1) رشي الشعر بالماء كاملا .
2) وزعي القليل من الجل على الشعر.
3) سرحي شعرك كويس .
4) تقسيم الشعر الى خصل متساوية وقليلة .
5) تضفير الشعر خصلة خصلة الى ان ينتهي كامل الشعر ، وتسيبي الشعر لحد ما يجف وبعد كده تسرحيه بمشط سنانه عريضه .
6) أو يمكن استخدام طريقة اخرى وهي .. لف الخصل على قطعة من القصدير بحيث تبرم الخصل على القصدير الى الأعلى الى أن ينتهي كامل الشعر ويترك الى ان يجف .
7) أو تقسم الخصلة الى قسمين وتبرم الخصلة مع الأخرى وتلف الى الأعلى وتثبتيها بالبِنَس

ياريت يابنات تجربوها وتقولولي ايه الأخبار ..ولو في أي موضوع تاني تحبوا تعرفوا عنه ياريت تقولولي عليه ...