شـ؛ـات ومنتـ؛ـدى افـ؛ـا مينـ؛ـا

الانبا مينا مطران كرسي جرجا وتوابعها
 
ava-menaالبوابة**س .و .جقائمة الاعضاءالمجموعاتبحـثالتسجيلدخولالتسجيلالرئيسية

شاطر | 
 

 يوميات صعيدي بيحب بنات استيل اوي في الجامعة ( حلقات متجددة)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ava-mena
Admin
Admin


ذكر
عدد الرسائل : 2531
العمر : 25
العمل/الترفيه : تصميم منتديات وشتات
العمل/الترفيه : محاسب شركه
بلــدك : جـرجـا
المزاج :
تاريخ التسجيل : 17/01/2008

مُساهمةموضوع: يوميات صعيدي بيحب بنات استيل اوي في الجامعة ( حلقات متجددة)   الأربعاء أبريل 30, 2008 6:48 am

انا هنا ان شاء الله هاحط يوميات صعيدي بيحب بنات استيل اوي في الجامعة و يارب اليوميات تعجبكم

نبتدى بالحلقة الاولى


رامى: لو سمحتي حضرتك...ممكن براية
نور: ههههههههههههههههههههههههههه
رامى :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
رامى : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
رامى : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
رامى :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
رامى :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة و رامى هيموت عشان مش معاه قلم)

رامى: يا انسة خطك زفت زفت..انتي مش مسطرة الصفحة ليه ...وفين التاريخ .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
رامى : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
رامى : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة رامى وانتهت المحاضرة )

اثناء خروج الطلبة من المدرج...رامى حب يستظرف بس بطريقة غبية شوية
رامى وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على رامى )

نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك

خلص اول يوم في الجامعة وقبل النهاية بدقايق

رامى: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
رامى :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
رامى: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

رامى: عليكي يا شيخة وعلى هالة وعلى الجامعة كلتها....وبرضه خطك زي الزفت


عاوزين تعرفوا اليوم اللي بعده حصل في ايه
تابعوا معايا بقى قصة حب رامى الصعيدي ونور البنت الاستايل

_________________
مـنـتـدى افـا مـيـنـا الـجـديـد لـلـدخـول اضـغـط هـنـا

7
7
77
7777
77
7
نـرجـو منـكـم التـسـجـيـل مـن جـديـد
والـمـشـاركـة مـن جـديـد وشـكـرا لـتـعـب مـحـبـكـتـم


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ava-mena.com/vb
sokara
عضو مميز
عضو مميز


انثى
عدد الرسائل : 167
العمر : 28
العمل/الترفيه : خادمه عند ربى
بلــدك : مش مظبوط
تاريخ التسجيل : 12/04/2008

مُساهمةموضوع: رد: يوميات صعيدي بيحب بنات استيل اوي في الجامعة ( حلقات متجددة)   الأربعاء أبريل 30, 2008 7:32 am

جميلة خالص يا فيجو
كمل بسرعة الباقى احسلك بقى





سكره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات صعيدي بيحب بنات استيل اوي في الجامعة ( حلقات متجددة)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شـ؛ـات ومنتـ؛ـدى افـ؛ـا مينـ؛ـا :: المنتدى الأكاديمى :: قسـ؛ــم للشبـ؛ــاب-
انتقل الى: