شـ؛ـات ومنتـ؛ـدى افـ؛ـا مينـ؛ـا

الانبا مينا مطران كرسي جرجا وتوابعها
 
ava-menaالبوابة**س .و .جقائمة الاعضاءالمجموعاتبحـثالتسجيلدخولالتسجيلالرئيسية

شاطر | 
 

 يلا أضحك من قلبك ورد علي الموضوع ادخل ادخل فرفش شويه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ava-mena
Admin
Admin


ذكر
عدد الرسائل : 2531
العمر : 25
العمل/الترفيه : تصميم منتديات وشتات
العمل/الترفيه : محاسب شركه
بلــدك : جـرجـا
المزاج :
تاريخ التسجيل : 17/01/2008

مُساهمةموضوع: يلا أضحك من قلبك ورد علي الموضوع ادخل ادخل فرفش شويه   الأربعاء أبريل 30, 2008 10:00 am

مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحدة منهم قالتله: تتجوزني يا امور؟
قالها: ده انا اتجوز كلبة ومتجوزكيش! التانية راحت قايلة: هوهو



سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه


واحد دخل جنينة الحيوانات ودخّل راسه في قفص الاسد، الحارس جري عليه وقاله انت بتعمل ايه يا مجنون ؟؟؟؟ قاله : ايه يابا .. يعني هناكله


واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه

هنا قال له اصلى لقيت مكتوب شقة للايجار قمت قعدت اخبط بس محدش رد

علىّ قام التانى قال له غريبة مع ان الجماعة منورين النور فوق



واحد عصبي ضرسه وجعه راح للدكتور وقال له اخلع كل ضروسي وخليه زي

الكـلب لوحده


اثنين محششين قاعدين قدام مرايه الأول قال قوم نسلم على اللي


قاعدين قدامنا ، ولما وقفوا قال الثاني اقعد اقعد هما جايين علينا


الصعايدة راحو اشتكو للرشيس مبارك قالولو يا ريس النكت كلها بتطلع علينا لازم تشوفلنا حل قالهم خلاص هسألكم سؤالين لو جاةبتو عليهم محدش هيطلع نكت عليكو موافقين!!؟؟ قالولو اه موفقين

السؤال الأول:معركة بدر كانت بين مين ومين و مين انتصر فيها؟

ردو وقالو المسلمسن ضد الكفار والمسلمين انتصروا

السؤال التانى: مباراة كأس العالم الأخيرة كانت بين مين ومين ومين كسب؟

ردو وقالو كانت بين الأهلى والزمالك والأهلى فاز

رد واحد فيهم قال: على كده الزمالك والكفار هيلعبو على الثالث والرابع


واحد بلديتنا حب يعمل ارهابى خطف ابنه محدش سال عليه قتله


وقف واحد بلدياتنا علي محطه القطار وبعد فتره مشي القطار و اعد يضحك , فساله ناظر المحطه انتا بتضحك ليه قال له اصل اللي كان جي يوصلني هو اللي سافر


مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم مش عارفنى ده انا



<< واحد مسطول قاعد يسمع تعليق مباراة مع صاحبه .. سمع المعلق يقول : دربكه في نص الملعب _ دربكه بين اللاعبين – دربكه قرب منطقة الجزاء – يا ساتر .. دربكه أمام المرمى يا سلااااااام .. أخيراً هدف جميل جداً من دربكه أمام المرمى فقال المسطول لصاحبه : ( دربكه ) دة لاعب ممتاز



واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق



بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر



غبي راح عمل سشوار عند الحلاق وقال عندي فرح بعد اسبوع وعايز شعري يفضل حلو كده الحلاق قاله بس ابعد عن الميه -- رجع بعد 3 ايام بيقول للحلاق ...... عطشـــاااااااان.



فى المتحف المصرى سأل الولد أبوه ,تمثال مين ده يابابا؟ ,رد الاب : مش عارف يابنى ...... طب صورة مين دى يابابا؟ , مش عارف يابنى ..... طب مين اللى محنطينه هناك ده يا بابا ؟؟ , مش عارف يابنى ..... شوية و أم الولد قالتله: ياواد بس بقى كفاية اسئله تعبت أبوك ........, رد أبوه : ياوليه خلى الواد يسال علشان يتعلم



واحد سرق كرسي من القهوة وطلع يجري ... فالواد الاهوجي شافه اخد ديله في سنانه و جري وراه ... قام الحرامي لمحه بيجري وراه ....... راح وقف فى نص الطريق وقعد على الكرسى .. قال للاهوجي هات لى واحد شاي



مره واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان



مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف


اتنين محششين الاول بيسال التاني النهارده السبت ولا الاحد ؟ التاني بيقول له : الاتنين فقال له : يا سلااااااااام الاتنين مع بعض



المريض: يا ترى يا دكتور أنا ممكن أعيش لحد ما يبقى عندي 100 سنة؟ الطبيب: أنت بتدخن أو بتشرب أو بتتعاطى؟ المريض: لأ أبداً، عمري ما دخنت سيجارة أو كأس ولا حتى شديت نفس من شيشة... الطبيب: بتلعب قمار؟ المريض: لأ، ولا حتى كوتشينة ولا دومينو ولا شطرنج .... الطبيب: بتسهر قدام التلفزيون أو الفيديو أو الدش؟ المريض: ولا بفتحهم من أساسه.... الطبيب: ولا بتسهر على القهوة؟ المريض: ولا عمري عتبتها برجلي... الطبيب: بترهق صحتك ونظرك بالقراءة كتير؟ المريض: بالعكس، أنا أطيق العمى ولا أطيقش الكتب... الطبيب: طيب بتقعد كتير قدام الكمبيوتر أو الأنترنت؟ المريض: كمبيوتر؟ أشوف إيه؟ .... الطبيب: طيب بتسافر على طرق خطر أو بتسوق كتير؟ المريض: أنا لا عندي عربية ولا بأسافر من أصله..... الطبيب: طيب بتلعب أي رياضة عنيفة أو مرهقة؟ >المريض: ولا عمري عتبت نادي، وما لعبتش حاجة من أيام ثانوي.... الطبيب: أمال عايز مية سنة تهبب فيهم إيه !!!!!


مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين


سكران بيقول سبحان الله الانسان زي البني ادم لما بيتوفى بيموت


واحد مسطووووووول أتصل على الإذاعة : أحب ان أهدي الأغنية الجاية للخطيبة الغالية بمناسبة المولود الجديد


اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد ........الراجل قالوه اشمعنى...قاله: اصل انا بطلت



فى بلد كلها أغبية فى نهاية هذه البلد حفره كبيرة كل ما واحد يعدى يقع فى هذه الحفره فقالوا لازم نجيب حد ذكى يحل المشكلة دى ...... جابو أذكى ثلاثة فى البلد الأول قال: أحنا نقف هنا واللى يقع نطلعه ونوديه المستشفى الثانى قال له أنتى غبى مأحنا نجيب الإسعاف تقف هنا واللى يقع تخده هى وتوديه المستشفى .......فقال الثالث أما أنتو بلد أغبيه صحيح مأحنا نردم الحفره دى ونحفر وحده عند المستشفى علطول


مجموعة بلدياتنا فتحوا محل بيتزا سموه بيتزا هعععععععععع


مسطول أشتري عربية شبح طلع علي الطريق السريع عشان يجربها فشغل الراديو لقي المذيع بيقول هنا لندن الصعيدي قال يلعن أبو السرعة


مسطول بيعمل كشف نظر طلع نظره 6/6 فبيقول لصاحبه أنا كنت ممكن أجيب أكتر من كده بس الدكتور اللي لخبطني


اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى



بقرة جالها جفاف نزلت نيدو


ثلاثة مساطيل قاعدين في سهرة الأول : ‏أنا عندي فلوس أشتري بيها أمريكا الشمالية الثاني : ‏وأنا عندي فلوس أشتري بيها أمريكا الشمالية و الجنوبية الثالث : ‏و مين قالكم إني رح أبيع



‏التلميذ : ‏بحبك يا أبله و عاوز أجوزك... ‏المدرسه: ‏بس أنا مبحبش الأولاد الصغيرين... ‏التلميذ: ‏وأنا مش مستعجل على الأولاد


مرة كان في قرد محظوظ و قرد منحوس وكانوا عايزين ياكلوا من الموز اللي علي الشجرة فالقرد المحظوظ قال للقرد المنحوس اطلع هاتلنا كبشة موز و انا هستناك تحت فلما طلع القرد المنحوس اصحاب الشجرة شافوا القرد المنحوس و ضربوه وجه تاني يوم فالقرد المحظوظ قال للقرد المنحوس اطلع هاتلنا موز فاصحاب الشجرة شافوا القرد المنحوس و ضربوه في اليوم التالت برضه القرد المنحوس طلع الشجرة و اضرب فاليوم الرابع القرد المنحوس قال للقرد المحظوظ اطلع انت المرة دى علشان انا كل يوم الجماعة اصحاب الشجرة يضربونى فالقرد المحظوظ طلع الشجرة فاصحاب الشجرة قالوا سيبوا اللي فوق ده كل يوم بنضربه امسكوا اللي واقف تحت ده


سأل رجل جحا : ما اجمل القمر ؟ اجاب جحا : اي والله . خاصة باليل



مرة اثنين عندهم كلاب صيد صاحب الكلب الاول أول ما يضرب طلقة من الندقية يجرى الكلب ويروح يجيب الفريسة والثانى أول ما يضرب الطلقة كلبه يكّش فنصحة صاحبة انه يروح أفراح في الارياف، فالكلب هيتعود على صوت الرصاص راح الارياف وفضل يحضر فى افراح لمدة 6 شهور وبعدين رجع يصطاد، راح ضارب طلقة من البندقية راح الكلب وقف على رجله وقعد يزغرط



واحد بلدياتنا دخل مطعم بيتزا الرجل جابلة البيتزا قاله تحب نقطعها علي 8

قطع ولا 16 قطعة.. قاله لا 8 قطع علشان ما اقدرش اكل ال 16



واحد بلديتنا سافر بره بعتوله برقيه ارجع فورا يوجد امر خطير رجع على اول طياره قابل اخوه الكبير فى المطار تعبان وحالته حاله ودقنه طويله قاله فى ايه طمنى ابويا جراله حاجه راح مطبطب عليه وخده فى حضنه وركبوا العربيه لقا اخوه الثانى فى السياره تعبان وحالته حاله ودقنه طويله قاله فى ايه طمنى ابويا جراله حاجه راح مطبطب عليه وخده فى حضنه سافروا لقا اخوه الثالث على باب البيت تعبان وحالته حاله ودقنه طويله قاله فى ايه طمنى ابويا جراله حاجه راح مطبطب عليه وخده فى حضنه دخل على ابوه فى السرير لقاه نائم تعبان وحالته حاله ودقنه طويله قاله فى ايه طمنى يا ابويه انت كويس رد عليا راح ابوه قاله يا حسنين وديت ماكينه الحلاقه فين؟؟



مره مسئول كبير راح يفتتح حمام سباحه كبير في سوهاج فكان مدير الحمام بيشرحله مميزات الحمام فقال ده يا فندم المنط العشرين متر اطلع يا محمدين نط فنط و ده يا فندم المنط الاربعين متر اطلع يا حسنين نط فنط فقال المسئول هايل هايل فقاله المدير ولسه كمان يا فندم لما نملاه ميه



واحد الدغ في الحروف كلها بينده علي واحد اسمه احمد قاله يا وليييييد

_________________
مـنـتـدى افـا مـيـنـا الـجـديـد لـلـدخـول اضـغـط هـنـا

7
7
77
7777
77
7
نـرجـو منـكـم التـسـجـيـل مـن جـديـد
والـمـشـاركـة مـن جـديـد وشـكـرا لـتـعـب مـحـبـكـتـم


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ava-mena.com/vb
dodo&m
مشرفه منتدى المرأة للاكسورات والديكورات
مشرفه منتدى المرأة للاكسورات والديكورات


انثى
عدد الرسائل : 1928
العمر : 31
العمل/الترفيه : http://ava-mena.own0.com
العمل/الترفيه : رسم
بلــدك : النت
المزاج :
وسام لهذا العضو :
تاريخ التسجيل : 18/02/2008

مُساهمةموضوع: رد: يلا أضحك من قلبك ورد علي الموضوع ادخل ادخل فرفش شويه   الأربعاء أبريل 30, 2008 6:06 pm



هههههههههههههههههههههه موضوع جامد جدا يافيجو
ونكت من الاخر ياريت المزيد ربنايوفقك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ava-mena.own0.com
ava-mena
Admin
Admin


ذكر
عدد الرسائل : 2531
العمر : 25
العمل/الترفيه : تصميم منتديات وشتات
العمل/الترفيه : محاسب شركه
بلــدك : جـرجـا
المزاج :
تاريخ التسجيل : 17/01/2008

مُساهمةموضوع: رد: يلا أضحك من قلبك ورد علي الموضوع ادخل ادخل فرفش شويه   الجمعة مايو 02, 2008 8:15 am

dodo&m كتب:


هههههههههههههههههههههه موضوع جامد جدا يافيجو
ونكت من الاخر ياريت المزيد ربنايوفقك

اكيـــد هيكـــون فـي جديد وقريـب وشكـر علي ردك الجمـيل ده يارب يكونوا ضحكوكـى

_________________
مـنـتـدى افـا مـيـنـا الـجـديـد لـلـدخـول اضـغـط هـنـا

7
7
77
7777
77
7
نـرجـو منـكـم التـسـجـيـل مـن جـديـد
والـمـشـاركـة مـن جـديـد وشـكـرا لـتـعـب مـحـبـكـتـم


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ava-mena.com/vb
 
يلا أضحك من قلبك ورد علي الموضوع ادخل ادخل فرفش شويه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شـ؛ـات ومنتـ؛ـدى افـ؛ـا مينـ؛ـا :: المنتدى الترفيهى :: النكـ؛ـت والرسـائـل :: قسـ؛ـم النكـت-
انتقل الى: