* يارب النكت تعجبكم وتموتوا من الضحك ---

هتموت

لو عاوز تموت.... أقرا هذه الرسالة

خلي بالك...... هتموت

**********************
انا غلطان اقري يا سيدي
**********************

ولد بيسأل أبوه:هي الحمير بتتجوز؟ قاله :يا بني مبيتجوزش أصلاً غيرالحمير

واحد سوداني اتجوز واحدة سودانية خلفوا ولد أشقر و عينيه زرقا سموه رجل المستحيل

واحد صعيدي مات جاله خمس ملايكة اتنين يحاسبوه و تلاتة يقنعوه انه مات

ليه السودانيين ايديهم بيضا من جوا ؟؟
عشان كانوا ساندين على الحيطة و هما بيرشوهم

حلاق راح السينما شاف فيلم سوالف النينجا ...

واحد أعمى فتح ومن كتر الفرحة اتشل

فيل اتجوز فرخة خلفوا تشيكن فيليه

اثنين مساطيل
الاول : ولع الراديو
الثاني : ماعييش كبريت
الاول : ولا ولاعه؟؟؟؟؟؟

واحد دخل فندق 5 نجوم كان في فرح وهو كان عايز يروح دوره المياه فبيسأل واحده
في الفرح وهو مكسوف جداًً ... وبيوشوشها في ودنها
لو سمحتي التلاوَت منين ؟؟
البنت ضحكت وقالت : قصدك التواليت ؟ .... من الناحيه التانيه
فراح لف وشوشها في ودنها التانيه : التلاوَت منين؟؟

**************

صعيدي تاه في الصحراء هو وواحد امريكي وواحد الماني
لقوا مصباح علاء الدين السحري .... مارضيوش يخلوا الصعيدي هو اللي يدعكه علشان
ما يموتش الجني ....... الامريكي دعكه طلع الجني وقال : كل واحد ليه طلبين بس
الامريكي انا عايز احدث كمبيوتر في العالم وطياره ترجعني بلدي
في ثواني كانت الحاجه عنده ومشي
الالماني : انا عايز احدث عربيه مرسيدس وطياره ترجعني بلدي
في ثواني كانت الحاجه قدامه ومشي
الجني قال للصعيدي: وانت ؟؟
الصعيدي : عايز طبج كشري
الجني جابله الكشري وقعد يأكل فيه ............ وبعد لما خلصه الجني سأله : طلبك التاني ايه؟؟
الصعيدي : واحد كمان وحياه ابوك
**************

مسطول خبط واحد بالعربيه ... وفي التحقيق دار الحوار ده
الضابط : خبطته بالعربيه ازاي ؟؟
المسطول : يا بيه انا اديتله كلاكس ... وجبتله نور .. وادتله فلاشر .. وهو اللي ما رضيش يبعد
: عن طريقي .. اعمل له ايه اكتر من كده ؟؟؟ ................ الضابط قال للمصاب
بيقول انه ادالك كلاكس وفلاشر وانت مارضيتش تبعد عن طريقه..... ليه ؟؟
المصاب : يا بيه انا قاعد في البقاله بتاعتي ... ابعد اروح فين؟!؟!؟!؟!؟
*************

كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك للأرنب بطريقة أحسن من كده، قول له هات لى جزر، إذا جاب لك جزر لونه أصفر إضربه و قول له أنا عاوز جزر أحمر، و إذا جاب لك جزر أحمر إضربه و قول له أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز الجزر أصفر و لا أحمر.النمر راح ضربه و قال له إنت ودانك طويلة ليه
*************

مرة واحد اسمة عزوز راح اشتغل صبى عند ميكانيكى. وفى يوم قال لصاحب
الورشة انا اعرف رئيس الحى.... صاحب الورشة ماصدقش.. لكن بعد يومين فعلا مر
رئيس الحى قدام الورشة وسلم على عزوز سلام حار جدا... صاحب الورشة اعجب
بعزوز وشغله اسطى فى الورشة . وبعد يومين عزوز قال لصاحب الورشة انا
اعرف الوزير!! قال له : لا صعبة دي وفعلا بعد يومين مر الوزير قدام الورشة
و سلم على عزوز ...صاحب الورشة اتجن وقال لعزوز يابنى انا حمسكك الورشة مكاني...
وبعد يومين قال عزوز لصاحب الورشة انا اعرف بوش
ولكن صاحب الورشة قال بلاش تفشر عليا ..عزوز قاله تعالى نسافر وانا اعرفك
وفعلا سافروا أمريكا ووقفوا قدام البيت الابيض وعزوز قال بص ع الشباك ده حطلع بعد شوية انا وبوش ونقول لك هاى وفعلا عزوز طلع هو وبوش...
صاحب الورشة اغمى عليه وراح المستشفى .. ولما فاق سألة عزوز: ليه اغمى عليك لما شفتنى انا وبوش ...
صاحب الورشة قال لاانا اغمى علي علشان وانت وبوش واقفين فى الشباك عدا من قدامى اثنين امريكان بيسألونى مين اللي واقف جنب عزوز ده؟؟
********************

مش قولتلك هتموت...... من الضحك

مش اصلي ( منقول

ههههههههههههههههههههههههههه

بجد يا تينا النكت دي تموت من الضحك
ربنا يباركك lol!

ميرسى كيرو على مرورك

* يارب النكت تعجبكم وتموتوا من الضحك *-*-*-*

* يارب النكت تعجبكم وتموتوا من الضحك ---