الاخ الكريم gard_angel علي كرسي الاعتراف ......!

اهلا وسهلا gard_angel بك علي كرسي الاعتراف

انا اكون سعيد ان ابدا معك بالاسئله واكون اول واحد استعد اتفضل اقعد علي الكرسي
اتفضل اشرب شويه عصير واسترخي وهدي اعصابك ويلا نبدا باسئلتنا لك :-

1- عرف نفسك وشخصيتك باختصار؟
2- بتشتغل ايه وهل انت سعيد في الشغل ولا لا ؟
3- بتشرب سجاير ولا لا ولو بتشرب ليه وبتستفاد ايه ولو مش بتشرب بردو ليه ؟
4- حبيت في مره او كام مره وهي بتحبك ولسه موجود معاه ولا لا ولو سبتها سبتها ليه ؟
5- نفسك تبقي ايه في حياتك او طموحاتك ايه ونفسك تتجوز ولا لا ؟

وبكده خلصت اسئلتي ياريت كل الاعضاء 5 اسئله للعضو بس والي بعده كده
وميرسي ليكم ننتظر الاجابه

1- عرف نفسك وشخصيتك باختصار؟
هاى انا جوزيف سيفين
انا 23 سنه
2- بتشتغل ايه وهل انت سعيد في الشغل ولا لا ؟
انا محاسب في شركه بورصه
اكيد طبعا سعيد يا فادي في الشغل
ومبسوط اوي
3- بتشرب سجاير ولا لا ولو بتشرب ليه وبتستفاد ايه ولو مش بتشرب بردو ليه ؟
اه بشرب سجاير من الضيقه والخنقه وبصراحه مش قادر ابطلها ومش بستفاد منها ولا اي حاجه
4- حبيت في مره او كام مره وهي بتحبك ولسه موجود معاه ولا لا ولو سبتها سبتها ليه ؟
اه طبعا حبيت مفيش حد يقدر يعيش من غير حب وحبيت كتير وعشت كتير قصص حب بس مش فلنتينو يعني بس اغلبيه اللي بحبهم ويحبوني بيكونوا اكبر مني في السن مش اوي يعني فرق بسيط
واخيرا دخلت قصه حب معا واحده من سني لمده سنتين وعشنا احلا ايام
ولما فكرت بعقلي شويه لاني الاول كنت ماشي بقلبي بس قررت اني اسيبها علشانها هيا مش انا
سبتها علشان كانت في حاجات تمنع اني ارتبط بيها ورغم اني بعد ما سبتها وهيا اتخطبت علي استعداد تام انها تفك الخطوبه علشان نرجع لبعض وفرحها قريب خالص بس انا موفقتش علشان تعيش حياتها
5- نفسك تبقي ايه في حياتك او طموحاتك ايه ونفسك تتجوز ولا لا ؟
نفسي اعيش حياه كويسه وابقا جدير بشغلي
موضوع الجواز ده مش من ضمن وقتي حاليا ولا بفكر فيه دلوقتي خالص

واااااااااااااو يا جوجو بجد كلامك حلو وعجبني موت ويلا يارب كده لما تبطل السجاير وانا فرحان بانك مبسوط في الشغل وربنا يحققلك في الي بتتمناه وميرسي علي ردك ونستيني لما حد يجي يسالك تانى
يلا فاااااااااااااااااااااااااااصل ونواصـــــــــــل

هيييييييييييه حبيبي جالي منور
بص هما 5 اساله واساله حلوه وخفيفه علي المعده
هههههههههههههههههههههههههههه
1- نفسك تتجوز واحده شبه مين او اوصفهالي يعني باصص علي ايه؟
2-امتا بتبقي فرحان وامتا بتبقي زعلان وليه ؟
3- حياتك عندك ايه لزمتها وبتعمل ايه ؟ يعني في العيشه دي انت ايه لزمتك في المجتمع وبتعمل ايه في المجتمع؟
4- بتنام كام مره في اليوم وبتعمل ايه في اليوم ده
5- كـآم بنت وكـام ولد بتكلمهم تقريبا وكام بنت وولد مقتربين ليك يعني اسرارك معاهم

- نفسك تتجوز واحده شبه مين او اوصفهالي يعني باصص علي ايه؟
موضوع الجواز انا كان ردي فيه واضح
انه مش من ضمن وقتي حاليا ولا بفكر فيه خالص
-امتا بتبقي فرحان وامتا بتبقي زعلان وليه ؟
بقا فرحان لما بساعد حد واقف معاه
وببقا زعلان لما يكون قدامي ومش بايدي انه اساعده
حياتك عندك ايه لزمتها وبتعمل ايه ؟ يعني في العيشه دي انت ايه لزمتك في المجتمع وبتعمل ايه في المجتمع؟
حياتي لزمتها اني بشتغل وكل وقتي في الشغل وبس وحاسس اني بعمل حاجه بفيد بيها الاخرين
بتنام كام مره في اليوم وبتعمل ايه في اليوم ده
مش بنام كتير الاول قبل الشغل من فتره كبيره حياتي كلها كانت نوم في نوم
وحاليا مش بشوف النوم نسيت النوم هههههههههههههههههههههه
- كـآم بنت وكـام ولد بتكلمهم تقريبا وكام بنت وولد مقتربين ليك يعني اسرارك معاهم
بصراحه انا بكلم كتير
بس اللي متقربين مني ولد وتلت بنات واسراري معاهم

هههههههه

ربنا يبارككك

وتعرف تنام كويس

ويارب تكون احسن فى حياتك بعد كدة

بص اولا ردك حلو اوى دي حاجة ثانينا انت كويس في شغلك جامد جدا والكل فرحان بيك وانا الوحيد الي عارف كده
هئ هئ هئ هئ هئ هئ
اسال مجررب ولا متسالش ميــن؟؟
وبعدين
نام يعني يوم متروح البيت ريح نفسك وريح جسمك واتغطي كويس
هههههههههههههههههههههههههههه
ميرسي يا جوجو علي ردك العسل ده ويارب تكون سعيد

أهلا بيك يا جوزيف على الكرسى
أنت بجد منور المنتدى
وإجاباتك كلها حلوة بجد
ويلا بقى ورينا شطارتك

1- بتصلى وبتصوم وبتروح الكنيسة ولالأ ولو لأ يبقى ليه؟
2- أخر مرة اعترفت واتناولت كانت امتى؟
3- مين أكتر حد بتعجبك موضوعاته فى المنتدى بصراحة ومن غير مجامله؟
4- ايه أكتر قسم بيعجبك فى المنتدى؟
5- مين أكتر حد نفسك تشوفه وإيه أكتر مكان نفسك تروحه؟

بس خلاص

اوكي يا ليتو هيا نبدا
- بتصلى وبتصوم وبتروح الكنيسة ولالأ ولو لأ يبقى ليه؟
للاسف مش بصلي ولا بصوم كتير يعني السجاير هيا الوحيده اللي مخلياني معرفش اصوم ولا اصلي
لان عندينا مانعين اي حد من التناول للبيشرب سجاير
أخر مرة اعترفت واتناولت كانت امتى؟
بصراحه من فتره كبيره
مين أكتر حد بتعجبك موضوعاته فى المنتدى بصراحة ومن غير مجامله؟
بصراحه هما اتنين انتي وفادي
ايه أكتر قسم بيعجبك فى المنتدى؟
اغلبيه الاسام حلوه ومميزه
مين أكتر حد نفسك تشوفه وإيه أكتر مكان نفسك تروحه؟
اللي نفسي اشوفه في مصر
واكتر مكان نفسي اروحه مصر بردو

ميرسى يا جو على الردود الجامده دى
بس الصلاة والصوم والأعتراف هما اللى هايخلوك تبطل السجاير
يلا جرب وربنا معاك

هاى يا زوفا انا جيت وخلينى اسالك واحرجك على رأى مفيد فوزى
هههههههههههههههههههههههههههههههههههههههههههههههههههههههه
وجه دورى فى الاسئلة والحمد لله لحقتك على الاخر قبل ما يحولوا على عضو اخر
يالله نبتدى يا بطة

اية اسم حبيبتك ؟

كم مره رسبت في الدراسة ؟

واحد او واحده فرفوشة ؟

واحد تحبه يكون زميلك؟

واحد ملول ؟

وحده او واحد من المشرفين تحبه ؟ طبعا انا

حاجه تمنيته ما جابوه لك ؟

اسم جوالك ؟

كم منتدى مسجل فيه ؟

منتدى مسجل فيه غير ده قولي اسمه؟

كم مره حبيت راس امك؟

كم مره حبيت راس ابوك ؟

امتا هتبطل السجاير واللى بالى بالك بلاش فضايح ؟
خلاصت
والعموم ماشى ياعم علشان انت مش بتعز غير اتنين فى المنتدى ومش بتعزنى انا القلوب عند بعضيها
يالله مستنيا ردك يا حلو

لا انا مستنيك يا عم مفيد ما تقلقش
يالا نبتدي يا بطه رغم اسئلتك كتيره يا عم مفيد بس يالا مش هحرمك من اي حاجه
اية اسم حبيبتك ؟
مفيش وكلامي واضح قوى في الاسئله اللي فاتت
كم مره رسبت في الدراسة ؟
مره واحده ودي كانت في سنه تانيه معهد بسبب اني زميلي اداني الجدول غلط
كان فيه امتحان تاني يوم العيد والجدول علي تالت يوم العيد
ومحضرتش الماده دي والماده دي اللي بينزل فيها بيشيل السنه كلها
واحد او واحده فرفوشة ؟
مارمينا
واحد تحبه يكون زميلك؟

شيكو
واحد ملول ؟
فادى
وحده او واحد من المشرفين تحبه ؟ طبعا انا Very Happy
طبعا انتي يا دودو فيه حد ما يحبش بنت خاله اللى انت يا قمر
حاجه تمنيته ما جابوه لك ؟
لا اللي اتمنيته انا كنت عايز اعيش في شرم الشيخ ووالدي ووالدتي مش راضيين يخلوني اعيش بعيد عنيهم
اسم جوالك ؟
موتورلا
كم منتدى مسجل فيه ؟
مش كتير لان مش بيبقا فيه وقت معايا ادخل منتديات قليل خالص
منتدى مسجل فيه غير ده قولي اسمه؟
وان واى
كم مره حبيت راس امك؟
هو انا هقعد اعد كام مره هو انا فاكر اكلت ايه امبارح
كم مره حبيت راس ابوك ؟
نفس الاجابه اللي فقيها
متا هتبطل السجاير واللى بالى بالك بلاش فضايح ؟
صليلي علشان ابطلها وياريت كل الاعضااء والمشرفين يصلولي
واللي بالي بالك مفيش وما حصلش
وانا بعزك اوي يادودو وانتي عارفه كده كويس
هو احنا معانا كام دودو منورلنا المنتدي وحياتنا كلها

هههههههههههههههههههههههههههههههههههههههههههههههههههههههههههههههههههههههههههههههههههههههههه
بقي انا ملول ماشي طيب هتبطل الي بالي بالك ولا لا
ههههههههههههههههههههههههههههههههههههههههههههههههههههههههههههههههههههههههه

لا يا جماعه مفيش حاجة بجد من الي بالي بالك دي اختي بتهزر معاه مش اكتر
ههههههههههههههههههههههههههههههههههههههههههههههههههه

1- اكتر حاجه بتحبها فى شخصيتك؟؟
2- اكتر حاجه مش بتحبها فى شخصيتك؟؟
3- اكتر حاجه بضايقك (علشان نعملها طبعا) ؟؟؟
4- اكتر حاجه بتفرح
5- مين المرنم والمغنى الى بتحب تسمعلهم
6-بس

1- اكتر حاجه بتحبها فى شخصيتك؟؟
الكرم والجدعنه
2- اكتر حاجه مش بتحبها فى شخصيتك؟؟
النوم
3- اكتر حاجه بضايقك (علشان نعملها طبعا) ؟؟؟
اني اعامل الشخص اللي قدامي كويس وهو يعاملني معامله مش كويسه
4- اكتر حاجه بتفرح
اني اعمل حاجه كويسه
5- مين المرنم والمغنى الى بتحب تسمعله
no comment
6-بس
6-خلصت الاجابه

بصراحه اللعبه دي حلوة خالص
والاحلي صراحتك وبساطتك في الاجابه
وتسمحلي ادخل في الموضوع واسئلك :
Question

1-ربنا بالنسبه ليك في كلمه واحده؟
2- السجارة في كلمه وحده ؟
3- هدفك في كلمه وحده ؟
4- من اجاباتك السابقه عرفت انك سبت البنت اللي حبيتها وده علشانها . لو انت حبيتها بجد قدرت تعمل كده ازاي؟؟
5-ايه الموجود في اصحابك 4 من صفات خلتك تديهم سرك؟ Smile