ايهما اهم فى حياتك كرامتك ام قلبك؟ دعوة للنقاش



لكل منّا كرامة وفي نفس الوقت له قلب فأي منهم أهم بحياتك (قلبك) أم (كرامتك) هل من المعقول أن نستغنى عن قلوبنا للإحتفاظ بكرامتنا في سبيل ذلك لماذا يبيع الصديق صديقه .. والحبيب حبيبته وغيرهم وكل شخص أكيد صار له موقف من الحياة سواءاً مع صديق أو حبيب أو زوج .. هذه هي الحياة ؟ !..! لم نجد سبباً لذلك !..! صحيح أنه لابد أن تكون كرامة النفس فوق كل إعتبار ولكن لماذا ولدت التضحية إذا كانت كرامة النفس هي المنتصره غالبـاً أم هي مجرد كلمات نؤيد مضمونها ولكن بدون العمل بها لنقف لحظة على بعض الجمل هي موجودة في حياتنا ودائماً نرددها في موقف معين لا .. وإنما في حدث خـــــــــــداع خيـــــانـــــة كــراهــيـــة كــــــــــذب ضـــعــــــف هــزيــمــــة !..! قــالــــــــــوا !..! ( من باعنا بعناه ) ( إللي هواك إهواه .. وإللي نساك إنساه ) ( الذي لا يعتبرك ربحاً .. لا تعتبره خسارة ) ( الصديق وقت الضيق ) ..::.. فكـــروا قليــــلاً ..::.. هل نستطيع حقاً تطبيق ذلك فعندما نلتقي بصديقٍ مثلاً .. نثق به .. ونبوح له بمشاكلنا ثم مع مرور الأيام نكتشف أنه لا يحبنا .. ولا يعتبرنا إلا خيال في غيابه نسأل عنه .. وإن غبنا لا يسأل عنا هل حقا نتخلى عنه .. لا أدري ..! ايهما اهم كرامتك ام قلبك؟ ياريت الكل يشارك و يقول راية

صحيح أنه لابد أن تكون كرامة النفس فوق كل إعتبار

ولكن لماذا ولدت التضحية إذا كانت كرامة النفس هي المنتصره غالبـاً

التضحيه ولدت لانها بيكون في اغلب الاوقات
تفاهم معا الطرفين وبيضحوا باشياء لعوده الحياه
ومش معني كده اننا نضحي بكرامتنا فيه حاجات تسمح بانا نسامح
والمسامح كريم ولو كل انسان اتعلق بمساله الكرامه ومش هيجي علي نفسه شويه
مش هيبقا فيه تفاهم في الحياهولا هيبقا موجود حاجه اسمها تضحيه
ايهما اهم كرامتك ام قلبك؟
لو فيه حب من جانب الطرفين مش هيبقا فيه موضوع كرامه اصلا
ميرسي ليكي يا فيبي علي الموضوع الجميل ده
ربنا يبارك حياتك

انا كرامتى فوق اى حاجة
ومن الصبح مثلا اضحى بكل شئ عشان صديق او حبيب او غيرو والاخر بيبعنى
فى الحالة دى هنسا اى حاجة وهبعد وهفضل كرامتى
لان كرامتى فوق كل شئ
انا خسرت اقرب الناس ليا بسبب كدا
خسرت خطيبى عشان كدا
الى هيعيش فى الزمن دا من غير كرامة يبقى ولا كانو موجود اصلا
بشكرك على الموضوع المميز دا
تقبلى مرورى

هى اكيد كرمتى فوق اى شئ مهما كان
بس فى ساعات لازم اضحى
وانا مع جوزيف فى كلامه
وميرسى على الموضوع الجميل دا

سلام ونعمة
اولا ميرسى جدا على مروركم الجميل
ثانيا اسمحولى اقول رايى:
انا شايفه من كلامكم انه في نظرة تشاؤوميه شويه . انا معاكم اني في خيانه و غدر و كراهيه بس برضو في حب صادق و امانه و امان تحسه مع صديقك او مع من تحب انتوا ممكن تقولوا ان ده كلام محفوظ و دايما يتقال لكن صدقوني الموضوع كله ببساطه محتاج شوية فهم للشخص اللي قدامك ان فهمت الشخص صح اكيد هاتعرف ان كان يستحق حبك او صداقتك ولا لا و لو انت لقيته يستاهل فعلا حبك او صداقتك مافتكرش انه هايتغير لوحده كده و يخون او يغدر لكن ان حصل و غدر هايكون حاجه من الاتنين اما انك تكون انت اللي اتغيرت من غير ما تحس او نرجع و نقول انك حكمت عليه غلط من البدايه.
اما عن موضوع الكرامة في الحب انا من رايي انه مهم جدا اني الواحد يحافظ على كرامته لكن الاهم انه يحافظ على الشخص اللي بيحبه و خاصة لو كان يستاهل لاني الحب الحقيقي نادر جدا في الزمن ده .