الاخ الكريم mar-mina على كرسى الاعتراف

اهلا وسهلا mar -mina مرحبا بك علي كرسي الاعتراف

هاى يا أعضاء يا حلوين وحشتونى قوى قوى معلش انا بغيب عليكم كتير
بس نبدأ اللعبة بعضو جديد النهارده

انا اكون سعيده ان ابدا معك بالاسئله واكون اول واحده
اتفضل اشرب شويه عصير واسترخي وهدي اعصابك ويلا نبدا باسئلتنا لك :-

أسئلــة كرسـي الاعتـــــراف
مساء الخير على احلى ضيف ..

اية اخبارك يارب تكون كويس..

بدأ التحقيق

((1))
اول شي نتعرف باسمك وعمرك باختصار؟

((2))
تشتغل والا تدرس ؟
تخصصك ؟

((3))
من اعز الاشخاص بالنسبة لك في المنتدى وخارج المنتدى ؟
((4))
من هم الاعضاء الي :

عضو تعزه؟
عضو تشتاق له ؟
عضو تحب تهديه هديه ورسالة شكر ؟
عضو ودك تطرده من المنتدى؟ لا تقولي .. عارف انه أنا
عضو تكن له كل الاحترام ؟

((5))
شخص تأثرت فيه ؟

((6))
شخص ما تقدر تستغني عنه ؟

((7))
ما الـذي تحبـيه وما الذي تكــرهيه ..؟

وبكده خلصت اسئلتي ياريت كل الاعضاء 5 اسئله للعضو بس والي بعده كده
وميرسي ليكم ننتظر الاجابه

مساء الخير على احلى ضيف ..

اية اخبارك يارب تكون كويس..

بدأ التحقيق

اولا مساء النور يا احلى اخت

انا تمام نشكر ربنا

((1))
اول شي نتعرف باسمك وعمرك باختصار؟

انا مينا وصحابى بيقلولى يا مون مون

عندى عشرين سنة

من الشرقية فى كلية تجارة

((2))
تشتغل والا تدرس ؟
تخصصك ؟

انا بدرس

فى كلية تجارة

صلولى علشان النتيجة

((3))
من اعز الاشخاص بالنسبة لك في المنتدى وخارج المنتدى ؟

فى المنتدى هنا

معرفش كتير

بس فيجو طبعا

مش صديق اخ

4))
من هم الاعضاء الي :

عضو تعزه؟
عضو تشتاق له ؟
عضو تحب تهديه هديه ورسالة شكر ؟
عضو ودك تطرده من المنتدى؟ لا تقولي .. عارف انه أنا
عضو تكن له كل الاحترام ؟

بجد كلهم بحبهم وبعزهم معادا كام عضو كدة بصراحة مش بعزهم

عضو اشتاق الية

حد عندى فى المنتدى او واحدة بمعنى اصح زى اختى

مفيش حد معين
بس ممكن اديها لصحابى كلهم

عضو اطردة من المنتدى

حرام عليكى يا دودو

انا طيب مطردش حد انا

عضو تكن له ك الاحترام

حلوة تكن دية

كلكم بجد بحترمكم

((5))
شخص تأثرت فيه ؟

واحد اخو واحد صاحبى

كان قالى كلمة اتأثرت بيها وبفتكرها علطول

((6))
شخص ما تقدر تستغني عنه ؟

ابويا

((7))
ما الـذي تحبـيه وما الذي تكــرهيه ..؟

بحب نفسى بس مش غرور

بس علشان محسش انى رخيص

بكرة انى احس انى مظلوم

كويس انى خلصت على خير

يارب اكون خفيف على الكرسى

ووفقت فى الاجابات

مساء الخير يا حبـى منور ويارب تكون اسالتنا الي بنطرحه عليك تكون سهله
انا هبدا بـ 5 بس علشان ابقي خفيف عليك

1- ايامك دي كلها بتعشها ازاى وايه سبب عيشتك عليها علي الوضع ده يعني

2- ايه الي بتستفاده من النت وهل ادمنته ولا لا

3- نفسك في ايه في المستقبل ونفسك في ايه تعمله في حياتك

4- انت حبيت انا عارف قولي قصه حبك علي السريع وليه سبتها ولو فيها حرج متردش علي السوال

5- مين اكتر ناس بتحبهم بجد بجد ومتقدرش تستغني عنهم في الطبيعه وفي النت وايه فيدتك معاهم

انت علطول خفيف يا فيجو عليا

1- ايامك دي كلها بتعشها ازاى وايه سبب عيشتك عليها علي الوضع ده يعني

عادى انا مش بفكر اوى فى بكرة فى حياتى اليوم بيومة زى ما تقول كدة

بس بفكر لقدام لما اخلص وكدة لكن حياتى دلوقتى مستقرة مفيهاش جديد والوضع دلوقتى كويس مش وحش

متأقلم معاة تقدر تقول كدة

2- ايه الي بتستفاده من النت وهل ادمنته ولا لا

بستفاد كتير جدا
اول حاجة بستفدها انى اتعرفت على ناس كتيرة زيكم كدة وبقينا اصحاب
ثانيا بيضيع وقت
ثالثا بينفع فى نتيجة فى بعض اشتراكات منتديات كدة بينفع يعنى
بالنسبة لادمنتة لا انا لما بحب اقفل النت واقعد كدة بعملها كتير
بس مش ادمان بس بستخدمة حاجة تشغل وقتى بدل لما اقعد كدة

3- نفسك في ايه في المستقبل ونفسك في ايه تعمله في حياتك

نفسي فى المستقبل اكون مستقل اخلص جامعة واشتغل واقدر اوفر ل ولادى حياة كويسة فى ظل الحياة ووجود البلاوى اللى فى المجتمع دلوقتى
نفسى اعيش حياة من غير مشاكل اوى حياة هادية

4- انت حبيت انا عارف قولي قصه حبك علي السريع وليه سبتها ولو فيها حرج متردش علي السوال

مفيهاش احراج بس انا مش كلمتها علشان اسبها هى المشكلة ان مش حب من طرف واحد هو حب من طرفين منى ومنها
بس هى مش قد المسؤلية
بالرغم من انى ولا فتحتها فى الموضوع ولا هى فتحتنى
بس الكلام بيجيب بعضة وبنتكلم بألغاز ومحصلش نصيب ومينفعش كنا نفضل متعلقين كدة يوم نقرب ويوم نبعد ويوم نخاف
فبس كان لازم حد يبعد شوية بشوية
لكن مسبناش بعض لاننا مش كلمنا بعض ولا حد فاتح حد فى الموضوع بنص كلمة

5- مين اكتر ناس بتحبهم بجد بجد ومتقدرش تستغني عنهم في الطبيعه وفي النت وايه فيدتك معاهم
بالنسبة فى النت

انا مش ليا كتير اوى صحاب فى الفترة دية
تقريبا 6 او 7 بس اللى ليا كلام معاهم وانت طبعا واحد منهم
فى الحقيقة صحابى اهلى
مش ليا صحاب كتير فى الحقيقة بس اهو ماشية
فيدتى معاهم معاملة كويسة ضحك هزار وقت الجد مع بعض كدة

هييييه خلصت يارب اكون وفقت

اشطة يا مون ميرسي يا حبيكـا علي جوابك العسل ده وصراحتك وميرسي مره تانى ويارب تكون اسالتنا خفيفه عليك

اسمك اية بالكامل ؟
مين اقرب شخص ليك هنا؟
كنت تتمنى ترطبت بمين هنا ؟
مين اقرب بنوتة ليك هنا غيرى طبعا Laughing

؟
اية اكتر حاجة تحب تعملها دلوقتى؟
لو ادناك حكم تحب تعمل اية؟
ايةاكتر3 حاجات تحب تعملها؟
بتعرف تطبخ ولا لا عشان مطالب العروسة Laughing

؟
يلا يارب تعرف تجاوب ونشوفك كدة عريس يا ضرتى Rolling Eyes

اهلا يا مون مون انت وقعت فى ادينا ربنا يستر عليك
يارب اسئلى مش تكون غلسه معاك
اسمك وسنك وعنوانك ورقم البطاقه وياريت تعملى فيش وتشبيه وتيجى تجاوب على باقى الاسئله
اسئلتى بسيطه جدا ونقول السوال الاول واوعى تغش
1مين هو شفيعك؟
2 ايه اللى خلاك تختار الشفيع دا؟
3 ايه اكتر لحطه بكيت فيها؟
4 ايه اكتر موقف ضحكك؟
5 ايه اكتر لحظه كنت مبسوط فيها ونفسك مش تخلصها؟
عينك فى ورقتك وجاوب
ربنا معاك يا مون مون

دةاحنا هنسلخك يا مينا Razz

جاوب يا حبي جاوب ليلتك فلة بازن الله
ههههههههههههههههههههههههههههههه

احم احم

اوك سورى انى بتاخر فى الرد فى المنتدى على الاسئلة بس فية ظروف كدة ومش بعرف ادخل كتير نت

اولا هرد على اسألة هدهد

اسمك اية بالكامل ؟

مينا اديب عبد المسيح

مين اقرب شخص ليك هنا؟
للاسف انا مش ليا صحاب كتير هنا اعرف تقريبا 5 او 6 من المنتدى
اقربهم ليا فيحوووو

كنت تتمنى ترطبت بمين هنا ؟
مبفكرش فى الارتباط بصفة عامة دلوقتى

مين اقرب بنوتة ليك هنا غيرى طبعا ؟
انا معرفش غير 2 بنات هنا
انتى
وسارة
ومعرفش تينا مشتركة هنا ولا لا
بس دول اللى اعرفهم فى البنات هنا

اية اكتر حاجة تحب تعملها دلوقتى؟
ادخل علىا لنتيجة الاقيها طلعت وتكون كويسة

لو ادناك حكم تحب تعمل اية؟

مش فاهم السؤال ياريت توضحى اكتر حكم بمعنى اية احكم على حد ولا حصانة ولا اية

ايةاكتر3 حاجات تحب تعملها؟
اخلص جامعة من غير مدبلر خالص
اشتغل علطول واعفى من الجيش
اتجوز وتكون حياتى مستقرة ومتوفر كل حاجة

بتعرف تطبخ ولا لا عشان مطالب العروسة ؟
الحقيقة لا خالص
بس بحب يعنى لو حد شجعنى ممكن اعمل معاة حاجة بس خلقى ضيق بسرعة
بس ممكن حاجات خفيفة فول بيض شاى اسخن اكل معمول كدة

ههههههههه امين يارب يسمع منك خالص

ياترب تكون اجباتى واضحة

اسألة الاخت سارة

ههههههه

مينا من الشرقية

1مين هو شفيعك؟
انا بحب كل القديسين وبطلبهم كتير حسب الموقف

2 ايه اللى خلاك تختار الشفيع دا؟
ما مهو مفيش حد معين بقلك

3 ايه اكتر لحطه بكيت فيها؟

ايام مكنت بضرب وانا صغير
هههههههههههه
لا مش مهم بحجم العياط
بس بعيط بجد لما احس انى مظلوم او تصعب عليا نفسى

4 ايه اكتر موقف ضحكك؟
لا فية كتير مواقف ضحكتنى بس هحكيلك اقرب موقف
كنت انا وفيجو وتينا فى الشات وةضحكت ضحك يوميها للركب

5 ايه اكتر لحظه كنت مبسوط فيها ونفسك مش تخلصها؟
يوم من ايام الجامعة وانا فى سنة أولى الترم التانى

يارب اكون وفقت

بصراحه انت كده ميه ميه وجاوبت على كل اسئلتنا
يلا خد بطاقتك برائه Wink

يا ريت مش تغيب عننا تانى

الحمد لله يا مون مون ربنا قدرك وجاوبت علي اسئلتهم دي
بصراحه انا كنت خايف عليك هههههههه

hhhhhhhh

la mat2la2sh ya 2amr

لسة فاضل سؤال
((5))
شخص تأثرت فيه ؟

واحد اخو واحد صاحبى

كان قالى كلمة اتأثرت بيها وبفتكرها علطول

اية بقى الكلمة دى اللى اثرت فيك قوى كده

بجد بجد يامون واضح انك شخصية حبوبة
وكل الناس فى المنتدى بيحبوك وبيعزوك وبيعتبروك اخ ليهم بجد
انا لحظت كده ربنا يوفق فى النتيجة وفى حياتك ويبارك كل ايامك

هى نصيحة قلهالى علشان كنت بمر بظرف كدة

وميرسى كتير ليكى ويارب الكل يكون بيحبنى بجد

زائر

ما هو كرسي الاعترف الاخ الكريم mar-mina على كرسى الاعتراف 483562

مش الكل يعنى يامينا اوعى بس تتغر فى نفسيتك Razz